ಕೆಲವು ಪ್ರಮುಖ ಖನಿಜಗಳ ವಿವರ:-

೧. ಕಬ್ಬಿಣದ ಅದಿರು:-
             ಜಗತ್ತಿನಲ್ಲಿ ಅತೀ ಹೆಚ್ಚು ಕಬ್ಬಿಣದ ಅದಿರು ಲಭ್ಯವಿರುವ ದೇಶಗಳಲ್ಲಿ ಭಾರತಕ್ಕೆ ಎರಡನೇ ಸ್ಥಾನ ಲಭ್ಯವಿದೆ. ಮೊದಲನೇ ಸ್ಥಾನ ಬ್ರೆಜಿಲ್ ದೇಶದ್ದು. ಭಾರತದಲ್ಲಿ ಜಗತ್ತಿನ ಕಬ್ಬಿಣದ ಒಟ್ಟು ನಿಕ್ಷೇಪದ ಶೇಕಡಾ ೭ ರಷ್ಟಿದೆ. ಕಬ್ಬಿಣದ ಅದಿರಿನ ಉತ್ಪಾದನೆಯಲ್ಲಿ ವಿಶ್ವದಲ್ಲಿ ಭಾರತಕ್ಕೆ ಒಂಬತ್ತನೆಯ ಸ್ಥಾನ ಲಭ್ಯವಿದೆ.

೨. ಮ್ಯಾಂಗನೀಸ್:-
                 ಮ್ಯಾಂಗನೀಸ್ ಉತ್ಪಾದನೆಯಲ್ಲಿ
ಭಾರತಕ್ಕೆ ರಷ್ಯಾ ಮತ್ತು ಆಫ್ರಿಕಾಗಳ ನಂತರ ಮೂರನೇ ಸ್ಥಾನ ಲಭ್ಯವಿದೆ. ೧೯೯೯-೨೦೦೦ ರಲ್ಲಿ ೧೫.೧೪ ಲಕ್ಷ ಟನ್ನುಗಳಷ್ಟು ಮ್ಯಾಂಗನೀಸನ್ನು ಉತ್ಪಾದಿಸಲಾಗಿತ್ತು. ಮ್ಯಾಂಗನೀಸ್ ಬಿಹಾರ, ಮಧ್ಯಪ್ರದೇಶ, ಒರಿಸ್ಸಾ, ತಮಿಳುನಾಡು, ಮಹಾರಾಷ್ಟ್ರ, ಆಂಧ್ರಪ್ರದೇಶ ಮತ್ತು ಕರ್ನಾಟಕ ರಾಜ್ಯಗಳಲ್ಲಿ ಲಭ್ಯವಿದೆ.

೩. ಅಭ್ರಕ:-
              ಕಾಗೆ ಬಂಗಾರ ಎಂದು ಪ್ರಸಿದ್ಧವಾಗಿರುವ ಅಭ್ರಕದ ಉತ್ಪಾದನೆಯಲ್ಲಿ ಭಾರತಕ್ಕೆ ಅಗ್ರಸ್ಥಾನವಿದೆ. ಜಗತ್ತಿನ ಒಟ್ಟು ಅಭ್ರಕದ ಉತ್ಪಾದನೆಯಲ್ಲಿ ಭಾರತದ ಪಾಲು ಶೇಕಡಾ ೮೦ರಷ್ಟಿದೆ.೧೯೯೯-೨೦೦೦ ರಲ್ಲಿ ೬೪.೮೯ ಲಕ್ಷ ಟನ್ನುಗಳಷ್ಟು ಅಭ್ರಕವನ್ನು ಉತ್ಪಾದಿಸಿತ್ತು.

೪. ಬಾಕ್ಸೈಟ್:-
               ಬಾಕ್ಸೈಟನ್ನು ಉತ್ಪಾದಿಸುವ ಪ್ರಮುಖ ದೇಶಗಳಲ್ಲಿ ಭಾರತವೂ ಒಂದು. ಭಾರತದಲ್ಲಿ ೨೫ ಕೋಟಿ ಟನ್ನುಗಳಿಗೂ ಅಧಿಕ ಬಾಕ್ಸೈಟ್ ನಿಕ್ಷೇಪವಿದೆಯೆಂದು ಅಂದಾಜು ಮಾಡಲಾಗಿದ್ದು, ೧೯೯೯-೨೦೦೦ ರಲ್ಲಿ ೬೪.೮೯ ಲಕ್ಷ ಟನ್ನುಗಳಷ್ಟು ಬಾಕ್ಸೈಟ್ ಅದಿರನ್ನು ಉತ್ಪಾದಿಸಲಾಗಿತ್ತು.

೫. ಇಲ್ಮನೈಟ್:-
                ಇಲ್ಮನೈಟ್ ಉತ್ಪಾದನೆಯಲ್ಲಿ ಭಾರತಕ್ಕೆ ಎರಡನೇ ಸ್ಥಾನ ಲಭ್ಯವಿದೆ. ಈ ಖನಿಜ ಉಕ್ಕಿನ ಮತ್ತು ಬಣ್ಣದ ಉತ್ಪಾದನೆಯಲ್ಲಿ ಬಳಸಲಾಗುತ್ತದೆ. ಕೇರಳ ಮತ್ತು ತಮಿಳುನಾಡಿನ ಕರಾವಳಿ ಪ್ರದೇಶಗಳಲ್ಲಿ ಈ ಖನಿಜ ಲಭ್ಯವಾಗುತ್ತದೆ.

೬. ಕ್ರೋಮೈಟ್:-
                ಭಾರತದಲ್ಲಿ ಕ್ರೋಮೈಟ್ ಹೇರಳ ಪ್ರಮಾಣದಲ್ಲಿ ದೊರೆಯುತ್ತಿದ್ದು ೧೯೯೯-೨೦೦೦ ರಲ್ಲಿ ೧೩.೨೪ ಲಕ್ಷ ಟನ್ನುಗಳಷ್ಟು ಉತ್ಪಾದನೆಯಾಗಿತ್ತು. ಉತ್ತಮ ದರ್ಜೆಯ ಉಕ್ಕಿನ ತಯಾರಕೆ, ಬಣ್ಣ, ಉಷ್ಣ ನಿರೋಧಕ ಇಟ್ಟಿಗೆಗಳ ತಯಾರಿಕೆಯಲ್ಲಿ ಕ್ರೋಮೈಟ್  ಬಳಸುತ್ತಾರೆ. ಕರ್ನಾಟಕ, ಬಿಹಾರ, ಮತ್ತು ಒರಿಸ್ಸಾ ರಾಜ್ಯಗಳಲ್ಲಿ ಕ್ರೋಮೈಟ್  ಅಧಿಕ ಪ್ರಮಾಣದಲ್ಲಿ ದೊರೆಯುತ್ತದೆ.

೭. ಚಿನ್ನ:-
        ‌  ‌ಭಾರತ ಪ್ರಮುಖ ಚಿನ್ನದ ಉತ್ಪಾದನೆಯ ರಾಷ್ಟ್ರವೇನಲ್ಲ. ಭಾರತದಲ್ಲಿ ಚಿನ್ನದ ಅದಿರು ಕರ್ನಾಟಕ ರಾಜ್ಯದ ಕೋಲಾರದ ಊರಿಗಾಂ ( KGF) ಮತ್ತು ರಾಯಚೂರಿನ ಹಟ್ಟಿ ಚಿನ್ನದ ಗಣಿಗಳಲ್ಲಿ ಸಿಗುತ್ತಿದೆ. ಕರ್ನಾಟಕ ಇನ್ನೂ ಕೆಲವು ಕಡೆ, ಆಂಧ್ರಪ್ರದೇಶ, ಕೇರಳ, ತಮಿಳುನಾಡು ಮತ್ತು ಬಿಹಾರದ ಕೆಲವು ಭಾಗಗಳಲ್ಲಿ ಚಿನ್ನದ ನಿಕ್ಷೇಪವಿದೆಯೆಂದು ಪತ್ತೆ ಹಚ್ಚಲಾಗಿದೆ. ೧೯೯೯-೨೦೦೦ ರಲ್ಲಿ ೨೨೪೭ ಕೆ.ಜಿ. ಚಿನ್ನವನ್ನು ಉತ್ಪಾದಿಸಲಾಗಿತ್ತು.

೮. ತಾಮ್ರ:-
             ಭಾರತ ಅತ್ಯಲ್ಪ ಪ್ರಮಾಣದಲ್ಲಿ ತಾಮ್ರವನ್ನು ಉತ್ಪಾದಿಸುತ್ತದೆ. ತಾಮ್ರ ಒಂದು ಬಹುಪಯೋಗಿ ಲೋಹ. ವಿದ್ಯುತ್ ಉಪಕರಣಗಳ ಕೈಗಾರಿಕೆಗಳಲ್ಲಿ ಇದು ವ್ಯಾಪಕವಾಗಿ ಬಳಸಲಾಗುತ್ತದೆ. ೧೯೯೯-೨೦೦೦ ರಲ್ಲಿ ಭಾರತ ೨೯.೭೬ ಲಕ್ಷ ಟನ್ನು ತಾಮ್ರದ ಅದಿರನ್ನು ಉತ್ಪಾದಿಸಿತ್ತು. ತಾಮ್ರದ ಅದಿರು ಮುಖ್ಯವಾಗಿ ಬಿಹಾರ, ರಾಜಸ್ಥಾನ, ರಾಜ್ಯಗಳಲ್ಲಿ ದೊರೆಯುತ್ತದೆ. ಕರ್ನಾಟಕ, ತಮಿಳುನಾಡು, ಪಶ್ಚಿಮ ಬಂಗಾಳ, ಮಧ್ಯ ಪ್ರದೇಶ ಮತ್ತು ಒರಿಸ್ಸಾ ರಾಜ್ಯಗಳಲ್ಲೂ ಅಲ್ಪ ಪ್ರಮಾಣದ ತಾಮ್ರ ದೊರೆಯುತ್ತದೆ.